الراديو في المواقع العالمية

الراديو في المواقع العالمية اسمع

ܐܠܗܐ ܚܘܒܐ ܝܠܗ

'ܡܘܼܚܸܒܝܼ̈، ܫܒ݂ܘܿܩܘܼܢ ܕܡܲܚܸܒܲܚ ܚܲܕ ܠܗ̇ܘ ܐܚܹܪܢܵܐ، ܣܵܒܵܒ ܚܘܼܒܵܐ ܡ̣ܢ ܐܲܠܵܗܵܐ ܝܠܹܗ؛ ܘܟܠ ܡ̇ܢ ܕܟܹܐ ܡܲܚܸܒ، ܡ̣ܢ ܐܲܠܵܗܵܐ ܦܝܼܫܵܐ ܝܠܹܗ ܝܠܝܼܕܵܐ ܘܟܹܐ ܝܵܕܹܥ ܠܐܲܠܵܗܵܐ. ܗ̇ܘ ܕܠܵܐ ܡܲܚܸܒ، ܠܹܐ ܝܵܕܹܥ ܠܐܲܠܵܗܵܐ، ܣܵܒܵܒ ܐܲܠܵܗܵܐ ܚܘܼܒܵܐ ܝܠܹܗ. ܒܐܵܗܵܐ ܐܘܼܪܚܵܐ ܦܝܼܫ ܠܹܗ ܓܸܠܝܵܐ ܚܘܼܒܵܐ ܕܐܲܠܵܗܵܐ ܠܟܸܣܠܲܢ: ܕܫܘܼܕܸܪܹܗ ܠܒܪܘܿܢܹܗ ܝܼܚܝܼܕܵܝܵܐ ܠܕܘܼܢܝܹܐ ܕܚܵܝܲܚ ܒܝܼܹܗ. ܐܵܗܵܐ ܝܠܹܗ ܚܘܼܒܵܐ، ܠܵܐ ܕܐܲܚܢܲܢ ܡܘܼܚܸܒ ܠܲܢ ܠܐܲܠܵܗܵܐ، ܐܸܠܵܐ ܕܗ̇ܘ ܡܘܼܚܸܒ ܠܹܗ ܐܸܠܲܢ ܘܫܘܼܕܸܪܹܗ ܠܒܪܘܿܢܹܗ ܚܘܼܣܵܝܵܐ ܡ̣ܢ ܓܹܒܵܐ ܕܚܛܝܼܵܬܲܢ̈. ܡܘܼܚܸܒܝܼ̈، ܐܸܢ ܐܲܠܵܗܵܐ ܗܵܕܟ݂ܵܐ ܡܘܼܚܸܒ ܠܹܗ ܐܸܠܲܢ، ܐܘܼܦ ܐܲܚܢܲܢ ܘܵܠܹܐ ܝܠܵܗ̇ ܕܡܲܚܸܒܲܚ ܚܲܕ ܠܗ̇ܘ ܐܚܹܪܢܵܐ. ܐܘܼܦ ܚܲܕ ܗܲܪ ܠܹܐ ܝܠܹܗ ܚܸܙܝܵܐ ܠܐܲܠܵܗܵܐ، ܐܝܼܢܵܐ ܐܸܢ ܡܲܚܸܒܲܚ ܚܲܕ ܠܗ̇ܘ ܐܚܹܪܢܵܐ، ܐܲܠܵܗܵܐ ܒܸܬ ܥܵܡܹܪ ܒܝܼܲܢ ܘܚܘܼܒܹܗ ܒܸܬ ܦܵܐܹܫ ܡܘܼܟܡܸܠܵܐ ܒܝܼܲܢ. ܒܐܵܗܵܐ ܟܹܐ ܝܵܕܥܲܚ ܕܒܸܥܡܵܪܵܐ ܝܘܲܚ ܒܝܼܹܗ ܘܗ̇ܘ ܒܝܼܲܢ، ܣܵܒܵܒ ܝܘܼܗܒܹܠ ܠܹܗ ܐܸܠܲܢ ܡ̣ܢ ܪܘܼܚܹܗ. ܘܐܲܚܢܲܢ ܚܙܹܐ ܠܲܢ ܘܒܝܼܵܗܒ݂ܵܐ ܝܘܲܚ ܣܵܗܕܘܼܬܵ‌ܐ ܕܒܵܒܵܐ ܫܘܼܕܸܪܹܗ ܠܒܪܘܿܢܵܐ ܕܗܵܘܹܐ ܦܵܪܘܿܩܵܐ ܕܥܵܠܡܵܐ. ܟܠ ܡ̇ܢ ܕܡܵܘܕܹܐ ܕܝܼܫܘܿܥ ܒܪܘܿܢܵܐ ܕܐܲܠܵܗܵܐ ܝܠܹܗ، ܐܲܠܵܗܵܐ ܟܹܐ ܥܵܡܹܪ ܒܝܼܹܗ ܘܗ̇ܘ ܒܐܲܠܵܗܵܐ. ܘܐܲܚܢܲܢ ܝܕܝܼܥ ܠܲܢ ܘܗܘܼܡܸܢܲܢ ܚܘܼܒܵܐ ܕܐܝܼܬ ܠܹܗ ܐܲܠܵܗܵܐ ܠܟܸܣܠܲܢ. ܐܲܠܵܗܵܐ ܚܘܼܒܵܐ ܝܠܹܗ، ܘܗ̇ܘ ܕܥܵܡܹܪ ܒܚܘܼܒܵܐ، ܒܸܥܡܵܪܵܐ ܝܠܹܗ ܒܐܲܠܵܗܵܐ ܘܐܲܠܵܗܵܐ ܒܝܼܹܗ. ܒܐܵܗܵܐ ܦܝܼܫ ܠܹܗ ܡܘܼܟܡܸܠܵܐ ܚܘܼܒܵܐ ܒܝܼܲܢ، ܕܗܵܘܹܐ ܠܲܢ ܗܹܒ݂ܝܼ ܒܝܵܘܡܵܐ ܕܕܝܵܢܬܵ‌ܐ، ܣܵܒܵܒ ܟܡܵܐ ܕܝܼܘܲܚ ܓܵܘ ܐܵܗܵܐ ܕܘܼܢܝܹܐ، ܐܲܝܟ݂ ܡܫܝܼܚܵܐ ܝܘܲܚ. ܠܲܝܬ ܙܕܘܼܥܬܵ‌ܐ ܒܚܘܼܒܵܐ، ܐܝܼܢܵܐ ܚܘܼܒܵܐ ܓܡܝܼܪܵܐ ܟܹܐ ܛܵܪܹܕ ܠܵܗ̇ ܙܕܘܼܥܬܵ‌ܐ، ܣܵܒܵܒ ܒܙܕܘܼܥܬܵ‌ܐ ܐܝܼܬ ܓ̰ܘܼܢܓ̰ܵܪܵܐ، ܘܐܢܵܫܵܐ ܕܙܵܕܹܥ ܠܹܐ ܝܠܹܗ ܦܝܼܫܵܐ ܡܘܼܓܡܸܪܵܐ ܒܚܘܼܒܵܐ. ܐܲܚܢܲܢ ܟܹܐ ܡܲܚܸܒܲܚ ܣܵܒܵܒ ܐܲܠܵܗܵܐ ܩܲܕܡܵܝܬܵ‌ܐ ܡܘܼܚܸܒ ܠܹܗ ܐܸܠܲܢ. ܐܸܢ ܚܲܕ ܐܵܡܹܪ: ”ܐܵܢܵܐ ܟܹܐ ܡܲܚܸܒܸܢ ܠܐܲܠܵܗܵܐ،“ ܐܝܼܢܵܐ ܣܵܢܹܐ ܠܐܲܚܘܿܢܘܼܗ‌ܝ، ܕܲܓܵܠܵܐ ܝܠܹܗ. ܣܵܒܵܒ ܐܸܢ ܚܲܕ ܠܵܐ ܡܲܚܸܒ ܠܐܲܚܘܿܢܘܼܗ‌ܝ ܕܚܸܙܝܹܗ ܝܠܹܗ، ܠܹܐ ܡܵܨܹܐ ܡܲܚܸܒ ܠܐܲܠܵܗܵܐ ܕܠܹܐ ܝܠܹܗ ܚܸܙܝܹܗ. ܘܐܵܗܵܐ ܦܘܼܩܕܵܢܵܐ ܐܝܼܬ ܠܲܢ ܡܸܢܹܗ: ܗ̇ܘ ܕܡܲܚܸܒ ܠܐܲܠܵܗܵܐ ܘܵܠܹܐ ܝܠܵܗ̇ ܕܡܲܚܸܒ ܐܘܼܦ ܠܐܲܚܘܿܢܘܼܗ‌ܝ.'

ܐ ܝܘܚܢܢ 4 :7-21

https://my.bible.com/bible/1080/1JN.4.7-21

This website uses cookies. By continuing to use this site, you accept our use of cookies.

الراديو في المواقع العالمية اسمع

Website Visitors